"Thanh Nien": Vyetnamda pişikləri oğurlayan qruplaşma ifşa edilib

Vyetnamda Hoşimin şəhər polisi ev heyvanlarının oğurlanması və pişik ətinin satışı ilə məşğul olan cinayətkar qruplaşmanı ifşa edib, 400-dən çox pişik xilas edilib.

"Report" xəbər verir ki, bu barədə "Thanh Nien" qəzeti məlumat yayıb.

Hüquq-mühafizə orqanlarının əməkdaşları 10 şübhəlini saxlayıblar. Reyd zamanı 400-ə yaxın pişiyin saxlanıldığı 45 qəfəs, həmçinin təxminən 80 heyvanın qalıqları olan üç konteyner aşkar edilib.

Daha bir anbarda polis 21 pişik tapıb, bütün heyvanlar xilas edilib.

Hazırda "Sayqon" zooparkı və botanika bağının əməkdaşları heyvanlara lazımi köməklik göstərir və onların sahiblərini tapmaqda kömək məqsədilə xilas edilmiş pişiklərin fotolarını sosial şəbəkələrdə paylaşırlar.