Tanzaniyada daşqınlar zamanı 21 nəfər həlak olub

Tanzaniyanın cənub-şərqində Lindi vilayətində baş verən daşqınlar zamanı 21 nəfər həlak olub.

“Report” xəbər verir ki, bu barədə yerli “İTV” kanalı məlumat yayıb.

Qeyd olunub ki, təbii fəlakət zamanı Kilva əyalətində 500 nəfər xəsarət alıb. Əyalətin rəhbəri bildirib ki, daşqınlardan əziyyət çəkən insanlara yardımlar hərbi helikopterlər vasitəsilə edilir.

“Sinxua” xəbər agentliyinin məlumatına görə, daşqınlar Lindi vilayətində 13 nəfərin ölümünə səbəb olub, 15 min tanzaniyalı evsiz qalıb.