​"Taliban" Tacikistanın 4 sərhədçisini oğurlayıb

Bakı. 22 dekabr. REPORT.AZ/ "Taliban" yaraqlıları Tacikistan-Əfqanıstan sərhədində, Qunduz əyalətində Tacikistan Sərhəd Xidmətinin 4 hərbçisini oğurlayıb.

"Report" BBC-yə istinadən xəbər verir ki, Tacikistan Dövlət Təhlükəsizlik Komitəsi (DTK) sərhədçilərin azad edilməsi ilə bağlı əməliyyatlar keçirir.

Hərbçilər Əfqanıstanın İmam-Sahib qəsəbəsində ağac doğrayarkən oğurlanıb.

Əfqanıstan polisi bildirib ki, "Taliban" hərəkatı hərbçiləri Tacikistan həbsxanalarındakı öz tərəfdarları ilə dəyişmək istəyir.

DTK sərhədçilərinin Əfqanıstan ərazisinə keçməsini şərh etməkdən imtina edib.