“Taliban” Əfqanıstan hökumətinə 34 milyon dollar ziyan vurub

“Taliban” qruplaşmasının bir ay ərzində sərhəd-keçid məntəqələrini ələ keçirməsi nəticəsində Əfqanıstan hakimiyyəti təxminən 34 milyon dollar itirib”.

“Report” “RİA Novosti”yə istinadən xəbər verir ki, bu barədə Əfqanıstanın Maliyyə Nazirliyindən bildiriblər.

Onun sözlərinə görə, ticarət məntəqələrinin “Taliban” tərəfindən ələ keçirilməsi hökumətə ziyan vurur. Bildirilib ki, qruplaşma tərəfindən ələ keçirilən 7 belə məntəqə fəaliyyət göstərmir: “Ona görə də yayda nazirliyin gəliri 34 milyon dollar azalıb”.

Qeyd edək ki, ABŞ və NATO qoşunlarını Əfqanıstandan çıxarmağa başlayandan sonra “Taliban” qruplaşması fəallaşıb. Qruplaşma ölkənin 80 faizinə nəzarət etdiyini də iddia edir.