​Suriyada 700 terrorçu könüllü surətdə təslim olub

Bakı. 3 oktyabr. REPORT.AZ/ Son bir neçə gün ərzində Suriyanın cənubunda yerləşən Deraa əyalətində təqribən 700 silahlı və axtarışda olan yerli vətəndaş hakimiyyətə təslim olub.

"Report" xəbər verir ki, bu barədə SANA agentliyi məlumat yayıb.

Qeyd olunur ki, milli barışıq proqramı çərçivəsində 450-dən çox silahlı və hökumət tərəfindən axtarışda olan 250 yerli vətəndaş silahı yerə qoymaq və dinc həyata qayıtmaq qərarına gəlib.

Terrorçuların üzərində avtomat, pulemyot və snayper tüfəngləri olub.