"Supermen" komiksinin ilk nömrəsi 9,1 milyon dollara satılıb

"Supermen" komiksinin 1939-cu ilə aid ilk nüsxəsi Texasın Dallas şəhərində keçirilən "Heritage Auctions" hərracında rekord qıraraq 9,12 milyon dollara satılıb.

"Report"un məlumatına görə, bu barədə hərracın press-relizində deyilir.

"Şimali Kaliforniyada bir ailənin evinin çardağında tapılan 1939-cu ilə aid "Supermen"in ilk buraxılışının bir nüsxəsi hazırda dünyanın ən bahalı komiks kitabı rekordunu əlində saxlayır", - hərracın təşkilatçıları qeyd ediblər.

Əvvəlki rekord 2024-cü ildə 6 milyon dollara satılan "Action Comics"in ilk sayına məxsus olub.