Starmer və Makron Rusiyaya təzyiqləri artırmaq barədə razılığa gəlib

Böyük Britaniyanın Baş naziri Kir Starmer və Fransa Prezidenti Emmanuel Makron Londonda keçirilən görüşdə diplomatiya ilə yanaşı, Rusiyaya təzyiqlərin artırılmasının zəruriliyi barədə razılığa gəliblər.

“Report” xəbər verir ki, bu barədə “The Guardian” yazıb.

“Biz sülhə hazırlaşmaq və danışıqlara məcbur etmək (Rusiyanı – red.) arasında işimizi növbə ilə həyata keçirməliyik”, - nəşr onlardan sitat gətirib.

Starmer qeyd edib ki, Avropanın Ukraynada sülhməramlı qüvvələri yaratmaq planları bir neçə aylıq planlaşdırmadan sonra nəhayət formalaşıb. Makron isə atəşkəs razılaşması əldə olunarsa, onların həyata keçirilməyə hazır olduğunu vurğulayıb.