Şolts: Almaniyanın Ukraynaya göstərdiyi yardım 28 milyard avro təşkil edib

Ukraynanın Qərbin davamlı dəstəyinə ehtiyacı var.

“Report” xəbər verir ki, bunu Almaniya kansleri Olaf Şolts Filippin Prezidenti Ferdinand Markos ilə keçirdiyi mətbuat konfransında deyib.

Kansler qeyd edib ki, Almaniya yardıma davam edəcək, bununla yanaşı Avropa İttifaqında həmrəyliyə ümid edir:

“Biz Ukraynaya hərbi yardım göstərməliyik. Almaniyanın indiyədək Ukraynaya göstərdiyi yardım 28 milyard avro təşkil edib. Bilirsiniz ki, Almaniya bu il 7 milyard avrodan çox büdcə ayırıb. Mənim mövqeyim ondan ibarətdir ki, biz lazım olduğu qədər dəstəyi davam etdirməliyik, bu təkcə Almaniyaya deyil, bütün Avropa İttifaqına aiddir”.