Serbiyaya qayıtmaq istəyən vətəndaşlara subsidiyalar ayrılacaq

Serbiya Prezidenti Aleksandar Vuçiç xaricdə yaşayan və ölkəyə qayıtmaq istəyən vətəndaşlara maliyyə subsidiyalarının ayrılmasını nəzərdə tutan yeni hökumət təşəbbüsünü açıqlayıb.

"Report"un Balkan bürosu xəbər verir ki, Serbiyanın dövlət başçısının sözlərinə görə, tezliklə xaricdə yaşayan, lakin geri qayıdaraq ölkənin inkişafına töhfə vermək istəyən insanlara subsidiya və dəstək göstərilməsini nəzərdə tutan layihəyə başlanacaq.

A. Vuçiç qeyd edib ki, hazırda Serbiyaya geri qayıdanların əksəriyyətini təqaüdçülər təşkil etsə də, son dövrlərdə ölkəyə qayıdan gənc ailələrin sayında da artım müşahidə olunur.