Serbiya prezidenti Putinlə qazın qiymətini müzakirə etməyi planlaşdırır

Serbiya prezidenti Aleksandr Vuçiç Rusiya prezidenti Vladimir Putinlə qazın qiymətini və tədarük həcminin artırılmasını müzakirə etməyi planlaşdırdığını bildirib.

Bu barədə “Report” “TASS”a istinadən xəbər verir.

“Əminəm ki, qazla bağlı üç məsələ öz həllini tapacaq. Bu qazın qiyməti və kəmiyyətidir. Bizə daha çox qaz lazımdır. Əvvəllər 1,1 milyard kubmetr qaz istifadə edirdiksə, hazırda bu rəqəm 2,7 milyard kubmetrdir. Biz böyük həcmdə qaz tədarükü ilə bağlı razılığa gəlməliyik, çünki iqtisadiyyatımız sürətlə böyüyür”, - Prezident deyib

Vuçiç onu da qeyd edib ki, Putin çətin şəraitdə Serbiya üçün həmişə anlayış nümayiş etdirib. “Ümid edirəm ki, o, bu dəfə qazın qiyməti və həcmi ilə bağlı bizi də başa düşəcək”.