Rusiya XİN Türkiyə və Suriya arasında vasitəçilik təklif edib

“Rusiya Türkiyə və Suriya xarici işlər nazirləri arasında görüş üçün platformaya çevrilməyə hazırdır”.

“Report” TASS-a istinadən xəbər verir ki, bunu Rusiya xarici işlər nazirinin müavini Mixail Boqdanov deyib.

O bildirib ki, Rusiya Suriya məsələsində ABŞ-la təmaslara həmişə hazırdır: “Vaşinqton isə bu məsələdə bizimlə siyasi təmaslardan qaçır”.

Qeyd edək ki, daha əvvəl Türkiyə Prezidenti Rəcəb Tayyib Ərdoğan, Rusiyanın dövlət başçısı Vladimir Putin və Suriya rəhbəri Bəşər Əsədin üçtərəfli görüş keçirə biləcəklərinə dair məlumatlar yayılmışdı.