Rusiya Xarkova zərbələr endirib, ölən və yaralananlar var

Son sutka ərzində Rusiya Silahlı Qüvvələri müxtəlif tipli pilotsuz uçuş aparatları (PUA) ilə Xarkova və vilayətin 10 yaşayış məntəqəsinə zərbələr endirib.

"Report" "İnterfaks-Ukrayna"ya istinadən xəbər verir ki, bu barədə Vilayət Hərbi Administrasiyasının rəhbəri Oleq Sinequbov bildirib.

Onun sözlərinə görə, 5 nəfər yaralanıb, həmçinin 2 polis əməkdaşı həlak olub.

O.Sinequbov əlavə edib ki, Xarkova endirilən zərbələr nəticəsində 2 bina, fərdi evlər, taxıl anbarı və avtomobillər zədələnib.