Qırğızıstanda sərhəd hadisələri ilə bağlı 11 cinayət işi qaldırılıb

Qırğızıstanın Batkensk əyalətində baş verən sərhəd hadisələri ilə bağlı 11 cinayət işi qaldırılıb.

“Report” xəbər verir ki, bu barədə Bişkekdə keçirdiyi brifinqdə ölkənin daxili işlər nazirinin müavini Ərkəbək Aşirxocayev bildirib.

Onun sözlərinə görə, cinayət işləri qətllər, kütləvi qarışıqlıqlar, asayişə qarşı cinayət, dələduzluq, özgə əmlakının məhv edilməsi, sərhədin qanunsuz keçilməsi maddələri üzrə qaldırılıb. Təhqiqat davam edir.

Nazir müavini həmçinin əlavə edib ki, Qırğızıstan vətəndaşlarının girov götürülməsi ilə bağlı cinayət işi qaldırılıb.