Qırğızıstanda latın əlifbasına keçid təklif olunub

Bakı. 14 aprel. REPORT.AZ/ Qırğızıstan parlamentinin "Ata meken" fraksiyasından olan deputatı Kanıbek İmanəliyev latın əlifbasına keçmək təklifi ilə çıxış edib.

Bu barədə "Report" "Veçerniy Bişkek"ə istinadən xəbər verir.

"Onsuz da 2030-2040-cı illərdə latin əlifbasına keçəcəyik. Bu, zamanın və texnologiyanın inkişafının tələbidir", - K.İmanəliyev bildirib.

Onun sözlərinə görə, hazırkı mərhələdə ölkənin latın əlifbasına keçmək imkanı yoxdur, bu, yalnız 15-20 il sonra baş verə bilər.

Xatırladaq ki, Qazaxıstan bu yaxınlarda gələn ildən latın əlifbasına keçəcəklərini bəyan edib.