Putin Suriyanın XİN başçısı ilə görüşüb

Rusiya Prezidenti Vladimir Putin Kremldə Suriyanın xarici işlər naziri Əsəd əş-Şibani və onu müşayiət edən nümayəndə heyəti ilə görüşüb.

“Report” TASS-a istinadən xəbər verir ki, bu barədə Suriyanın SANA agentliyi məlumat yayıb.

Daha əvvəl Əş-Şibani Rusiyanın xarici işlər naziri Sergey Lavrovla danışıqlar aparıb. “Syria TV”nin verdiyi məlumata görə, Moskvaya ilk dəfə rəsmi səfərə gələn Suriya nümayəndə heyətinin tərkibinə müdafiə naziri Murhaf Əbu Qəsra, kəşfiyyat rəhbəri Hüseyn Sələmə, xarici işlər nazirinin müşaviri İbrahim əl-Olabi və XİN dəftərxanasının rəhbəri Muhsen Mahbaş daxildir.

Nümayəndə heyəti Rusiyanın müdafiə naziri Andrey Belousov ilə də görüş keçirib, görüş zamanı tərəflər bir sıra hərbi məsələləri müzakirə ediblər.