Polşa XİN: Varşava Berlinə təzminatların ödənilməsini tələb edən nota göndərəcək

Polşa bu il Almaniyaya İkinci Dünya müharibəsi zamanı dəymiş zərərin ödənilməsi barədə nota göndərmək niyyətindədir.

“Report” xəbər verir ki, bunu Polşa radiosuna ölkənin xarici işlər nazirinin müavini Şimon Şinkovski Vel Senk bildirib.

Onun sözlərinə görə, Varşava üçün müəyyən mərhələlər nəzərdə tutulub. Bunlardan birincisi hərbi itkilərlə bağlı hesabatın hazırlanması idi və bu, təxminən beş il çəkdi.

Diplomat bu hesabatı növbəti addım üçün çox güclü alət adlandırıb - Almaniyadan təzminat tələb edən notanın rəsmi təqdim edilməsi: “Hazırda bu qeydi hazırlayırıq və əlbəttə ki, bu addımı çox gözləmək məcburiyyətində qalmayacağıq”.