Peskov: Putin və Uitkoff sabah günün ikinci yarısında görüşəcək

Rusiya Prezidenti Vladimir Putin və ABŞ Prezidentinin xüsusi nümayəndəsi Stiv Uitkoff arasında görüşün dekabrın 2-də günün ikinci yarısında keçirilməsi planlaşdırılıb.

"Report" Rusiya mətbuatına istinadən xəbər verir ki, bunu ölkə Prezidentinin mətbuat katibi Dmitri Peskov bildirib.

"Putinlə Uitkoffun görüşü sabaha planlaşdırılıb və günün ikinci yarısında keçiriləcək", - o qeyd edib.

D.Peskov həmçinin bildirib ki, prezident sabah baş tutacaq Rusiya-ABŞ danışıqlarına hazırlıq çərçivəsində bir neçə müşavirə keçirəcək.