Pentaqonla Rusiya Müdafiə Nazirliyi arasında əlaqə kanalı işləyir

Pentaqon və Rusiya Müdafiə Nazirliyi arasında rabitə kanalı təsadüfi münaqişələrin qarşısını almaq üçün işləyir, lakin Ukrayna kontekstində istifadə edilməyib.

“Report” xəbər verir ki, bunu ABŞ Müdafiə Nazirliyinin sözçüsü Con Kirbi bildirib.

“Münaqişənin aradan qaldırılması xəttinə gəlincə, mən konkret heç nə deyə bilmərəm, başqa sözlə, məzmun baxımından heç nə tələb olunmurdu, amma biz bunu gündə bir-iki dəfə sınaqdan keçiririk və indiyə qədər bir-iki hal istisna olmaqla, ruslar cavab verdi. Ona görə də biz bilirik ki, onlar bizim siqnallarımızı bilirlər və onlara cavab verirlər. Biz bilirik ki, xətt işləyir”, - Kirbi brifinqdə bildirib.