Pentaqon: “Əfqanıstanda “Taliban”ın qələbəsi islamçıları ruhlandırıb”

“Əfqanıstanda “Taliban” hərəkatının hakimiyyəti ələ keçirməsi dünyadakı radikal islamçıları ruhlandırıb”.

“Report” xəbər verir ki, bunu ABŞ Silahlı Qüvvələri Birləşmiş Qərargah Rəisləri Komitəsinin sədri Mark Mill bəyan edib.

Onun sözlərinə görə, rəsmi Moskva Əfqanıstandakı vəziyyəti həyəcanla izləyir, ekstremistlərin oradan MDB ölkələrinə daxil olmasından qorxur:

“Babaları (“Taliban”çıların – Red) uzun illər əvvəl Əfqanıstandakı müharibədə Sovet İttifaqını məğlub ediblər. Və indi bunu şəbəkələrində təbliğ edir və böyük bir qələbə elan edirlər. İnanıram ki, bu, “Taliban” və onların tərəfdaşlarının mənəviyyatını və döyüş ruhunu əhəmiyyətli dərəcədə artırır”.