Pentaqon Çini özünün ən mühüm rəqibi hesab edir

Pentaqon Çini özünün ən mühüm rəqibi və getdikcə artan çağırış kimi görür.

Bunu ABŞ müdafiə nazirinin müavini Ketlin Hiks deyib.

Onun sözlərinə görə, Çinin beynəlxalq sistemə və onun daxilindəki ABŞ maraqlarına meydan oxumaq üçün hərbi, iqtisadi və texnoloji potensialı var. Eyni zamanda o, Rusiyanın mövcud dünya nizamına ciddi təhlükə yaratdığını etiraf edib. Onun fikrincə, Rusiyanın Ukraynadakı hərbi hərəkətləri buna sübutdur.