Pekin Olimpiadasına gələn 72 nəfərin koronavirus testi müsbət çıxıb

Çin hökuməti Pekin Olimpiadasına gələn xarici nümayəndə heyətlərinin üzvləri arasında 72 nəfərin koronavirusa yoluxduğunu müəyyən edib.

“Report” xəbər verir ki, bu barədə Pekin Olimpiadasının Təşkilat Komitəsinin dərc olunmuş məlumatında deyilir.

Belə ki, yanvarın 4-ü yerli vaxtla saat 00:00-dan 22 yanvar saat 23:59-dək Çinə 2 586 nümayəndə heyətinin üzvü gəlib, onlardan 171-i idmançı və rəsmi şəxslər, 2 415-i isə digər maraqlı tərəflərin nümayəndələrdir.

Testlər nəticəsində digər maraqlı tərəflərin nümayəndələri arasında 72 yoluxmuş şəxs müəyyən edilib. Bu günə qədər idmançılar və rəsmi şəxslər arasında infeksiya aşkarlanmayıb.