Nikolayevdə yaşayış binasının atəşə tutulması nəticəsində 6 nəfər ölüb

Rusiya Silahlı Qüvvələrinin Nikolayevdə yaşayış binasını atəşə tutması nəticəsində 6 nəfər ölüb.

“Report” UNIAN-a istinadən xəbər verir ki, bu barədə Nikolayev vilayəti Hərbi Administrasiyasının rəhbəri Vitali Kim məlumat verib.

Nikolayev şəhərin meri Aleksandr Senkeviç bildirib ki, xilasedicilər dağıntıların altından 1 kişi və 2 qadının meyitini çıxarıblar: “Saat 10:00-a olan məlumata görə, yaşayış binasına dəymiş zərbə nəticəsində 6 nəfər həlak olub”.

Ukrayna Prezidenti Volodimir Zelenski deyib ki, Rusiya Silahlı Qüvvələrinin gecə hücumu Ukrayna ordusunun cəbhədəki uğurlarına xain cavabdır.