Nigeriyada qayığın aşması nəticəsində 76 nəfər ölüb

Nigeriyanın Anambra ştatında qayığın aşması nəticəsində 76 nəfər ölüb.

“Report” xəbər verir ki, bu barədə Nigeriya Prezidentinin mətbuat xidməti məlumat yayıb.

“Prezident Muhammadu Buhari bazar günü Anambra əyalətində onlarla insanın ölümünə səbəb olan qayıq qəzası ilə bağlı başsağlığı verib. Məlumata görə, 85 nəfərin olduğu qayıq ştatın Oqbaru rayonunda daşqın nəticəsində çevrilib. Fövqəladə hallar orqanları ölənlərin sayının 76 nəfər olduğunu təsdiqləyib”, - prezidentin mətbuat xidməti tviterdə açıqlayıb.