Mərakeşdə fövqəladə sanitar vəziyyət rejimi oktyabrın 31-dək uzadılıb

Mərakeş hökuməti koronavirus pandemiyasının yayılmasına qarşı 2020-ci il martın 20-də tətbiq edilən fövqəladə sanitar vəziyyət rejiminin uzadılması haqqında qərar verib.

"Report" xəbər verir ki, bu barədə Rusiya mətbuatı məlumat yayıb.

Belə ki, hökumət koronavirus pandemiyasının yayılmasına qarşı mübarizə çərçivəsində ölkə daxilində fövqəladə sanitar vəziyyət rejimini 2021-ci il oktyabrın 31-dək uzadıb.

Bugünkü statistikaya görə, Mərakeşdə pandemiyanın başlanmasından bu yana yoluxanların ümumi sayı 813 mini keçib. Martın 2-dən bəri ölkədə 11 889 nəfər koronavirusdan vəfat edib. Həmçinin 730 mindən çox xəstə koronavirusdan sağalıb.