Meksikada daşqınlar səbəbindən 6 nəfər ölüb

Meksikanın mərkəzindəki Queretaro əyalətində leysan yağışların səbəb olduğu daşqınlar azı 6 nəfərin həyatına son qoyub.

"Report" xəbər verir ki, bu barədə "Milenio" qəzeti məlumat yayıb.

Məlumata görə, daha bir neçə əyalət sakini itkin düşüb.

Daşqınlar 11 bələdiyyədə 3,5 mindən çox yaşayış binasına ziyan vurub. Queretaro, Korreqidora, San Juan del Río və Tequisciapan bölgələri ən çox zərər çəkib.