Meksikada zəlzələ nəticəsində 12 nəfər xəsarət alıb - YENİLƏNİB

Mexikoda (Meksikanın paytaxtı - red.) baş vermiş zəlzələ nəticəsində 12 nəfər xəsarət alıb.

"Report" xəbər verir ki, bu barədə Meksika paytaxtının meri Klara Bruqada "X" sosial şəbəkəsində məlumat yayıb.

Daha əvvəl bildirilib ki, Meksikada 6,5 ​​maqnitudada zəlzələ qeydə alınıb. Zəlzələnin episentri 187 min nəfərin yaşadığı Çilpansinqo şəhərindən 42 kilometr cənub-şərqdə, ocağı 42 kilometr dərinlikdə yerləşib.

19:53

Meksikanın cənub-qərbindəki Herrero ştatında 6,5 ​​maqnitudada zəlzələ qeydə alınıb.

"Report"un xəbərinə görə, bu barədə Avropa-Aralıq dənizi Seysmoloji Mərkəzi məlumat verib.

Məlumata görə, zəlzələnin episentri 187 min nəfərin yaşadığı Çilpansinqo şəhərindən 42 kilometr cənub-şərqdə, ocağı 42 kilometr dərinlikdə yerləşib.

Tələfat və ya dağıntı barədə məlumat verilmir.