Litva Aİ-dən Rusiyaya qarşı sanksiyaları sərtləşdirməyi tələb edib

Avropa İttifaqı (Aİ) Rusiyaya qarşı sanksiyaları genişləndirməli və sərtləşdirməlidir.

"Report" TASS-a istinadən xəbər verir ki, bu barədə Litva Prezidenti Qitanas Nauseda Yunanıstanın baş naziri Kiriakos Mitsotakislə telefon danışığı zamanı bildirib.

Nauseda xatırladıb ki, Avropa İttifaqı artıq anti-Rusiya sanksiyaları ilə bağlı lazımi qərarlar qəbul edib, lakin bu, kifayət deyil.

Siyasətçi, həmçinin Aİ-ni Ukraynanın təşkilata qəbulunu sürətləndirməyə çağırıb.

“Ukrayna Aİ-yə üzv olmaq üçün namizəd statusu almalıdır”, - Nauseda deyib.

Litva dövlət başçısı əlavə edib ki, Avropa İttifaqı Kiyevə siyasi, iqtisadi və hərbi yardım göstərməkdə davam etməlidir.

Qeyd edək ki, Aİ Rusiyaya qarşı dördüncü sanksiyalar paketi hazırlayır.