La-Manş boğazı ilə İngiltərəyə bir gündə 500-ə yaxın miqrant gəlib

Son bir gündə 482 miqrant La-Manş boğazını keçərək Böyük Britaniyanın ərazisinə daxil olub. Eyni addımı atmaq istəyən 246 şəxs isə Fransanın sahil mühafizəsi tərəfindən saxlanılıb.

“Report” xəbər verir ki, bu barədə “Sky News” məlumat yayıb.

İngiltərə hökuməti bildirib ki, miqrantlar həddindən artıq dolu və təhlükəli gəmilərlə Britaniyaya getməkdənsə, başqa ölkələrdə sığınacaq axtarmalıdırlar.

Britaniya hökumətinin rəsmisi Den Omahoni bildirib ki, cinayətkar dəstələr tərəfindən kiçik qayıqlar vasitəsilə təşkil edilən səfərlər insan həyatı üçün təhlükəlidir:

“Bu göstəricilər (miqrantların sayı - Red.) qəbuledilməzdir, ona görə də bütün istiqamətlərdə tədbirlər görürük”.