Kuper: London Yaxın Şərqdən Britaniya vətəndaşlarının təxliyəsi üçün səy göstərir

Böyük Britaniya hökuməti öz vətəndaşlarını Yaxın Şərq ölkələrindən təxliyə etmək üçün böyük səy göstərir.

"Report" xəbər verir ki, bu barədə BBC teleradio şirkəti Böyük Britaniyanın xarici işlər naziri İvett Kuperin bəyanatına istinadən məlumat verib.

Onun sözlərinə görə, hazırda bir çox Yaxın Şərq ölkəsi öz hava məkanını bağlayıb, bu isə britaniyalıların Böyük Britaniyaya qayıtmasını çətinləşdirib. Hazırda ölkə hökumətinin Yaxın Şərq ölkələrindəki britaniyalıların qeydiyyatdan keçməsi çağırışına 102 min Britaniya vətəndaşı cavab verib.

Kuper bildirib ki, ilkin məlumatlara görə, bu ölkələrdəki Britaniya vətəndaşlarının sayı 300 min nəfərdir.