Kolumbiyada baş verən partlayışda onlarla insan xəsarət alıb

Kolumbiyanın paytaxtı Boqota şəhərində baş verən partlayış nəticəsində 18 nəfər xəsarət alıb.

“Report” xəbər verir ki, bu barədə “Agence France-Presse” məlumat yayıb.

Qeyd edilir ki, yaralılar arasında 6 uşaq da var, onlardan birinin vəziyyəti ağırdır. Zərərçəkənlərin hamısı xəstəxanaya yerləşdirilib.

Məlumata görə, insanlar yaxınlıqdakı 66 binanın şüşələrinin sınması nəticəsində xəsarət alıb. Kolumbiya hökuməti hadisəni terror aktı kimi qiymətləndirib və cinayətin törədilməsində iştirak edənlərin harada olduğu barədə məlumat verənə 80 min dollar mükafat elan edib.

Bundan əvvəl Kolumbiyada Boqotada polis idarəsi yaxınlığında baş verən partlayışla bağlı məlumat yayılıb. Sonra 10 zərərçəkən haqqında məlumat verilib.