HƏMAS sağ qalan girovların siyahısını İsrailə təqdim edib

Fələstinin HƏMAS hərəkatı sağ qalan girovların siyahısını İsrailə təqdim edib.

“Report” xəbər verir ki, bu barədə “Reuters” agentliyi hərəkatın nümayəndəsinə istinadən məlumat yayıb.

Siyahıya əsasən, razılaşmanın birinci mərhələsi çərçivəsində azad edilməsi nəzərdə tutulan 33 nəfərdən 25-i sağdır.

"HƏMAS azad edilməsi planlaşdırılan 33 israilli girovdan 25-nin hələ də sağ olduğunu göstərən siyahını vasitəçilərə təqdim edib", - o bildirib.

Daha əvvəl İsrailin Baş naziri Benyamin Netanyahunun ofisi bildirmişdi ki, İsrail HƏMAS-dan atəşkəs razılaşmasının birinci mərhələsi çərçivəsində Qəzza zolağından qaytarılmalı olan sağ və ölmüş girovların siyahısını alıb.