KİV: Əfqanıstan və Pakistanın İstanbuldakı danışıqları nəticəsiz başa çatıb

Əfqanıstan və Pakistan arasında İstanbulda uzunmüddətli atəşkəs bağlanması ilə bağlı aparılan danışıqlar nəticəsiz başa çatıb.

"Report"un "Reuters" agentliyinə istinadən məlumatına görə, bu barədə Əfqanıstan KİV-ləri və Pakistan təhlükəsizlik qüvvələrindəki mənbə bildirib.

Xatırladaq ki, oktyabrın 19-da Dohada ölkələr atəşkəs haqqında saziş imzalayıblar. Üç gün əvvəl isə İstanbulda danışıqlara başlayıblar. Burada sərhəd böhranının nizamlanması yollarının və atəşkəs rejiminə əməl olunması üçün şəraitin yaradılmasının müzakirəsi nəzərdə tutulurdu.