Kansler Putinlə dialoqu davam etdirməyə hazır olduğunu açıqlayıb

Almaniya kansleri Olaf Şolts Rusiya prezidenti Vladimir Putinlə dialoqu davam etdirmək niyyətindədir.

Bu barədə “Report” “Heilbronner Stimme” nəşrinə istinadən xəbər verir.

Onun sözlərinə görə, Rusiya lideri ilə danışıqlar aparmaq zəruridir:

“İndi bu vəziyyətdə, onunla təkrar-təkrar danışmaq lazımdır, bu mənim keçmişdə etdiyim və gələcəkdə yenidən edəcəyim şeydir. Ancaq Ukrayna və Rusiya arasında danışıqlar Moskva tərəfindən qətiyyətli addım tələb edir - bu, qoşunların çıxarılması deməkdir. Bu, onun (Vladimir Putinin – Red) hələ də hazır olmadığı bir şeydir”.