Kanadada meşə yanğınları səbəbindən insanlar helikopterlərlə təxliyə edilir

Kanadanın qərbində baş verən genişmiqyaslı meşə yanğınları səbəbindən ən təhlükəli ərazilərdən 22 min nəfər təxliyə edilib.

"Report"un məlumatına görə, bu barədə Kanada KİV-i xəbər yayıb.

Belə ki, 10 min hektardan çox ərazini əhatə edən yanğınlarla əlaqədar Britaniya Kolumbiyası əyalətində fövqəladə vəziyyət elan edilib.

Hazırda əyalətdə 105 yanğın ocağı aktivdir. Sakinlərin təxliyəsi üçün helikopterlərdən istifadə olunur.