İtaliyada baş vermiş atışma nəticəsində 8 nəfər yaralanıb

İtaliyanın şimal-şərqində yerləşən Triest şəhərində baş vermiş atışma nəticəsində azı 8 nəfər yaralanıb.

“Report” TASS agentliyinə istinadən xəbər verir ki, bu barədə ANSA agentliyinin məlumatında deyilir.

Məlumata görə, yaralılardan birinin vəziyyəti ağırdır. Hadisənin mübahisə zəminində baş vermə ehtimalının olduğu bildirilir.

“La Repubblica” qəzetinin məlumatına görə, hadisə ilə bağlı 2 nəfər saxlanılıb. Polis hadisə yerinə gediş-gəlişi bağlayıb, istintaq aparılır.