İsveçdə səkkiz nəfəri yaralayan şəxs saxlanıldı

İsveçin Vetlanda şəhərində naməlum şəxs soyuq silahla səkkiz nəfəri yaralayıb.

“Report”un məlumatına görə, bu barədə “AFP” agentliyi polisə istinadən xəbər verib.

Yaralılardan ikisinin vəziyyəti ağır kimi qiymətləndirilir. İsveç Daxili İşlər Nazirliyi hücumu terror aktı kimi nəzərdən keçirir.

İyirmi yaşlı hücumçu zərərsizləşdirilib. Həbs zamanı ayağından yaralanan cinayətkar xəstəxanaya yerləşdirilib.