İsrail ordusu Livanda üç hərbi postun darmadağın edildiyini açıqlayıb

İsrail ordusu ölkə ərazisinin atəşə tutulmasına cavab olaraq Livandakı üç hərbi posta zərbələr endirdiklərinin açıqlayıb.

Bu barədə “Report” xarici KİV-ə istinadən xəbər verir.

“Bir müddət əvvəl İsrail ordusunun əsgərləri Livandan İsrail ərazisinə tank əleyhinə raket atmağa cəhd edən terrorçuları aşkar etdikdən sonra İsrail Müdafiə Ordusunun tankı Livandakı iki hərbi postu məhv edib. Bundan əlavə, Müdafiə Ordusu İsrailin şimalındakı Metula şəhərinə tank əleyhinə raketin atıldığı hərbi postu vurub”, - məlumatda deyilir.

İsrail ordusundan həmçinin bildirilib ki, bu yaxınlarda Xar Dov ərazisi də atəşə tutulub, cavab olaraq qarşı tərəfin atəş nöqtələri darmadağın edilib.