İsrail Ordusu Qəzzada onlarla hədəfə hava zərbələri endirib

İsrail Hərbi Hava Qüvvələri Qəzza zolağında onlarla hədəfə yeni zərbələr endirib.

“Report” xəbər verir ki, bu barədə Ordunun mətbuat xidməti məlumat yayıb.

Məlumata görə, sutka ərzində anklavın bütün ərazisi üzrə zərbələr endirilib, hədəflər hərbi obyektlər, müşahidə qüllələri, nişançı mövqeləri, digər infrastruktur obyektləri, həmçinin ayrı-ayrı silahlı hərəkat üzvləri olub.

Qeyd olunub ki, hərbçilərin əməliyyatı nəticəsində HƏMAS hərəkatının nümayəndəsi Xəlil Faruana məhv edilib. İsrailə görə, o, təşkilatın silah emalatxanalarından birinə başçılıq edirdi.