İsrail IPC hesabatının geri çağırılmasını tələb edib

İsrail İnteqrasiya edilmiş Qida Təhlükəsizliyi Faza Təsnifatından (IPC) Qəzzada fəlakətli aclığın hökm sürdüyünü təsdiqləyən hesabatı geri çağırmağı tələb edir.

"Report" xəbər verir ki, bu barədə İsrail Xarici İşlər Nazirliyinin baş direktoru Eden Bar-Tal beynəlxalq media nümayəndələrinin qarşısında çıxışı zamanı bildirib.

"İsrail IPC-dən saxta hesabatını dərhal geri çağırmağı və müvafiq bildiriş dərc etməyi tələb edir", - o qeyd edib.

Baş direktorun sözlərinə görə, əgər IPC qısa müddətdə hesabatı geri çağırmasa və müvafiq bildiriş dərc etməsə, İsrail tədqiqat institutunun bütün donorlarına müraciət edərək, onlara sübutlar və faktlar təqdim edəcək.