İsrail “Hizbullah”ın hərbi obyektlərinə hücumlar edib

İsrailin Hərbi Hava Qüvvələri (HHQ) Livanda “Hizbullah”ın reaktiv yaylım atəşi sistemi və hərbi obyektlərinə hücum edib.

"Report" xəbər verir ki, bu barədə İsrail ordusunun mətbuat xidməti məlumat yayıb.

“Qırıcılar Livanın cənubundakı Hamaam bölgəsindəki obyektlərə zərbələr endiriblər”, - məlumatda bildirilir.

Bundan əlavə, İsrail HHQ Livanın cənubundakı Ayta əş-Şab, Mehabib, Markaba və Kfar Kila yaşayış məntəqələrindəki hədəflərə də hücum edib.

Həmçinin İsrail ərazisinə atılan mərmilərə cavab olaraq artilleriya Livanın Mays əl-Cəbəl bölgəsinə də zərbələr endirib.