İsrailin hərbi qüvvələri Qəzzada ən uzun tunelin bir hissəsini dağıdıb

İsrail Müdafiə Qüvvələrinin mühəndis korpusu Qəzza zolağının şimalında yerləşən ən uzun tunelin bir hissəsini dağıdıb.

"Report"un məlumatına görə, bu barədə ordunun mətbuat xidməti xəbər yayıb.

“Bu həftə qüvvələr “Yahalom” bölməsi ilə əməkdaşlıq edərək Qəzza zolağının şimalında yerləşən ən uzun yeraltı tunelin bir hissəsini məhv ediblər”, - məlumatda bildirilir.

Hərbçilərin məlumatına görə, tunelin uzunluğu 2,5 km-i keçib. Fələstin anklavının şimalı ilə cənubunu bir yeraltı yol birləşdirib.