İspaniyada məktəbin qarşısında ağır yol qəzası olub, ölən və xəsarət alanlar var

İspaniyanın paytaxtı Madriddə avtomobil təhsil müəssisəsinin qarşısında bir qrup məktəblini vurub.

"Report" xəbər verir ki, bu barədə "Cadena SER" radiostansiyası məlumat yayıb.

Hadisə nəticəsində bir məktəbli ölüb, daha ikisi yaralanıb. Ölən məktəbli qızın 6 yaşı olub. Xəsarət alan 10 və 12 yaşlı şagirdlərin vəziyyəti ağırdır, onlar xəstəxanaya çatdırılıblar.

Hadisənin hansı şəraitdə baş verdiyi araşdırılır.