İraqda İrandan olan zəvvarların qaldığı hoteldə yanğın olub, yaralananlar var

İraqın Nəcəf şəhərində İrandan olan zəvvarların qaldığı hoteldə yanğın nəticəsində çoxlu sayda insan yaralanıb.

“Report” xəbər verir ki, bu barədə İRNA dövlət agentliyi məlumat yayıb.

Bildirilib ki, Nəcəf Əşrəfdə şəhərin köhnə hissəsindəki 6 mərtəbəli hoteldə yanğın olub. Məlumata görə, hadisə nəticəsində bir neçəsi İran vətəndaşı olmaqla onlarla insan yaralanıb.

Hadisənin səbəbi məlum deyil.

Qeyd edək ki, Məhərrəmlik ayında Kərbəla və Nəcəf şəhərlərinə çoxlu sayda iranlı zəvvar səfər edir.

İmam Əli bu şəhərdə dəfn olunub.