“Instagram”ın işində problem yarandı

Dünyanın bir sıra ölkələrində “Instagram” sosial şəbəkəsinin işində problemlər müşahidə olunur.

"Report" xəbər verir ki, bu barədə məşhur internet resursların işini izləyən "Downdetector" xidməti bildirib.

Sosial şəbəkənin işindəki nasazlıqlardan ən çox ABŞ, Avropanın bir çox ölkələri, həmçinin Braziliya və Hindistandan olan istifadəçilər şikayət edirlər.

Xidmətin məlumatına görə, istifadəçilərin əksəriyyəti (təxminən 53%) xəbər xəttinə baxışda problemlərlə üzləşib, daha 31% istifadəçi öz hesabına girə bilmir.