İndoneziyada zəlzələ nəticəsində 1 nəfər ölüb, 76 nəfər xəsarət alıb

Mərkəzi Sulavesidə (İndoneziya) 6,7 maqnitudalı zəlzələ nəticəsində 1 nəfər ölüb, 76 nəfər xəsarət alıb.

"Report" xəbər verir ki, bu barədə "Antara" agentliyi Təbii fəlakətlərin nəticələrinin aradan qaldırılması üzrə Regional Agentliyə istinadən məlumat yayıb.

Bildirilib ki, yaralananlardan 13 nəfər ciddi, 63 nəfər isə yüngül xəsarət alıb.

Bundan əlavə, 841 evin, 2 ofisin və 15 tikilinin, həmçinin 2 kəndi birləşdirən körpünün zədələndiyi bildirilib.

Qeyd edək ki, zəlzələ iyunun 16-da baş verib.