İndoneziyada neftayırma zavodunda yanğın olub, 28 nəfər yaralanıb

İndoneziyanın Qərbi Yava əyalətində neftayırma zavodunda baş verən yanğın nəticəsində 28 nəfər yaralanıb.

“Report” “CNNTürk”ə istinadən xəbər verir ki, bu barədə yerli polis məlumat yayıb.

Yaralılardan 5-nin vəziyyəti ağırdır. Hadisə baş verən ərazidən minə yaxın sakin təxliyə edilib.

“Pertamina” Neft-Qaz Dövlət Şirkətindən bildirilib ki, hadisə yanacaq çənlərindən birində baş verən yanğından sonra yayılıb.

Yanğının səbəbi araşdırılır.