İndoneziyada kilsədə partlayış zamanı yaralananların sayı 9-a çatıb

İndoneziyanın Cənubi Sulavesi əyalətinin Makassar şəhərində terrorçu-kamikadzenin katolik kilsəsinə hücumu nəticəsində güclü partlayış olub.

“Report” “Sinxua” agnetliyinə istinadən xəbər verir ki, bu barədə əyalətin polis rəisi Merdisyam bildirib.

Qeyd olunub ki, partlayış nəticəsində yaralananlardan 9-u hospitala yerləşdirilib. Onlardan 5-i kilsənin xidmətçisi, 4-ü isə ziyarətçidir.

Terrorçu-kamikadze hadisə yerində ölüb. Kilsənin içərisində olanlar xəsarət almayıb. Polis tərəfindən araşdırma aparılır.

Qeyd edək ki, İndoneziya əhalisinin sayı 270 milyon nəfərdir. Ölkə əhalisinin 87 milyonu İslam, 27 milyonu isə xristian dininə inanır.