İndoneziyada güclü zəlzələ olub, ölən və yaralananlar var

İndoneziyanın Yava adasında Rixter cədvəli üzrə 6,4 maqnitudada zəlzələ baş verib, bir nəfər ölüb, 10 nəfər xəsarət alıb.

"Report" xəbər verir ki, bu barədə İndoneziyanın Təbii Fəlakətlərin İdarə Edilməsi üzrə Milli Şurası məlumat yayıb.

Zəlzələ Yoqyakarta bölgəsində və Mərkəzi Yava əyalətində yüzlərlə evə, ofisə, tibb və təhsil müəssisəsinə ziyan vurub.

İndoneziya Geofizika Agentliyinin məlumatına görə, zəlzələ 25 km dərinlikdə qeydə alınıb və yeraltı təkanlar sunamiyə səbəb olmayıb.