İndoneziyada təbii fəlakət qurbanlarının sayı 600-ə yaxınlaşıb - YENİLƏNİB

İndoneziyada daşqınlar və torpaq sürüşmələri nəticəsində ölənlərin sayı 593-ə çatıb.

"Report" xəbər verir ki, bu barədə Təbii Fəlakətlər üzrə Milli Agentlik (BNPB) məlumat yayıb.

Məlumata görə, 2 600 nəfər xəsarət alıb.

Bundan əlavə, 468 itkin düşmüş şəxsin axtarışları davam edir.

11:04

İndoneziyanın Sumatra adasında baş vermiş daşqınlar və torpaq sürüşmələri nəticəsində ölənlərin sayı 502 nəfərə çatıb.

"Report" "Al Arabiya"ya istinadən xəbər verir ki, bu barədə təbii fəlakətlərin nəticələrinin aradan qaldırılması üzrə Milli Agentlik məlumat yayıb.

Həmçinin bildirilib ki, 508 nəfər itkin düşmüş hesab olunur.

Daha əvvəl ölənlərin sayı 442 idi.

Son məlumatlara görə, ötən ay İndoneziya, Tailand, Malayziya və Şri-Lankanı əhatə edən daşqınlar nəticəsində ölənlərin sayı 1 000 nəfəri keçib.