İmran Xan həbsxanadan xəstəxanaya köçürülüb

Pakistanın keçmiş baş naziri İmran Xan həbsxanadan Shifa International xəstəxanasına köçürülüb.

"Report" xəbər verir ki, bu barədə "Geo" telekanalı məlumat yayıb.

Bundan əvvəl Pakistan Ali Məhkəməsi hakimiyyət orqanlarına İmran Xanın tibbi müayinədən keçirilməsi üçün xəstəxanaya köçürülməsi barədə göstəriş verib.

Xanın xəstəxanaya gətirilməsindən əvvəl tibb müəssisəsində ciddi təhlükəsizlik tədbirləri görülüb. Xəstəxananın ətrafına çoxsaylı polis əməkdaşları yerləşdirilib.

Fevral ayında keçmiş baş nazirin vəkilləri onun səhhəti ilə əlaqədar həbsdən azad edilməsi barədə məhkəməyə müraciət etmişdilər.